Taga Laoagak kano?

Thought Random

Taga Laoagak ata ti balaymi ket idiay laud nga asideg diay karayan - karayan nga umuna nga lagip nga mangtenggel apagdarikmat angesko panggep ken iliw ken karayo tunggal maisao it cuidad nga Laoag. Maipalagip metten kaniak no kua diay simbaan nga dakkel nga no daytay agpadayakan ket isu tay masungad. -Umaribayan metten diay kampana nga no umalasais idi ket umaweng nga kasla nalamiis nga pul-oy nga mangarakup ti enteramente nga Laoag - mangiyarasaas ti panagsardeng biit - panaglualo iti apagkanito man lang santo manen ituloy ti ania man nga aramid. Adda ngata pay laeng daytoy nga kannawidan ita?

Saludsud

·

di met sika,- sinaludsod mo itay kaniak,

tay nangkuriro di rabii tay darepepko?

dinak man nga iyaw-awan,-  intuloy mo pay,

nga kasla tay ubing nga malmes ta dina

malangoy apges tay karayan!


sinaludsud ka met - ta apay? asinnoka 'tay koma?

asinnoak?  insungbatmo - ket siak man tay makunkuna nga
 
riwis ni arapaap, igid ni karayo,ungto ni iliw!

ngem bay-am lattan - ibilang mon nga angin - 

angin nga inwadag ta uray no agan-ano ka itan,

di mon to met la nakemko maawatan!

Angaw ni Lagip

(Thought Random)

nagkinnitata't apagdarikmat itay la a mumalem
ta gayam nagabayta a naguray iti lugan
iti abay ti kalsada
agpa-airportak, diak ammo no sadinno kenka

ngem gapu ta dagusna la nga imbayakabak
dinnillawta laengen ti maysa ken maysa
a, wen, nagabayta a pudno
a dita man la narikna no asinno kadata tay immabay

agasem a kanito ti inna impaturay
nga inwalin, nga inwagat, a rinabsut kaniak
kanito koma man la a naipapasko
dagitay matak kenka--iti libnosmo ken kinalasbang

naggiddanta pay a nagtaray, di kadi?
naglinong iti sirok ti kayo, abay met la’t kalsada
kayo tay salamagi, malagipmo pay kadi?
kayo nga tay ingget irut a kari inna sinaksi

ala, naglabasen dagidi a kinasam-it,
dagidi nga aglaplapusanan a rag-o ni ayat--
kasla di mamengga nga essem ken karayo
nailangitan a rikna a linemmes met ti panawen

tiempo a nangitalaw kenka, di naigawid
pagam-ammoan la ta linnaawka lattan
a nagpukaw iti tangatang, pagam-ammoan met
a timpuarka lattan iti let-ang iti kaawan ni namnama

ngem kas tay kellaat nga simmangbayka manen
kellaatka met laeng nga iti biagko naungaw
immayen tay luganmo limmuganka metten
kasla kimat, apagripat, naawanka manen

damagek man ngarud no sika nga agpayso
tay immay nangabay kaniak itay laeng,
itay laeng a nangiburay apagkanito, apagdillawit
a pannakapnek napalaus kenka nga iliwko

wenno paset laeng daytay ni naimnet a lagip
a mangisubli kenka no kua kaniak
tunggal ipalubos ti ngato nga tarayen ti tudo ti langit
dumagas dakulapko, inggana't daga danonenna

agpapan pay banag laeng ti panagdisso ti tudo
ti inna met panangbiag arasaas ni dungngo
unay metten apges nga ipalak-amna kaniak
ta sangit laengen ti langit ti mangsilpo iti angesko
            

  _____________________

Iti Apagdarikmat

(Thought Random)

Kimat nga uray lang apagapaman 

Sukisukenna't nginabras ni lagip

Aronanna't naidulin nga rikriknaen 

Sananto ikur-it  dalluyon ni arapaap  
                 

If Even Only -

(Thought Random)

I am missing you... as always, I am -

my soul yearns for a touch of your
presence

to ease the pain of not finding you..

if even only in my mind would I feel a wisp of 

a cool breeze carrying your kiss gentle on my face..

then will I be happy in this vicarious intensity at
this very mesmeric thought of you.

A Storm-Traversing Message

(Thought-Random)

This violent storm catches on wind
and snow- furiously it fights its way
out to confront the ground arduously-

And this sight pulls my thoughts
-it tries- away from sunshine
gently falling on my being, 

away from cool breeze 
that wafts progressively to me
gently, endearingly, touching my face!

My thoughts of sunshine and breeze are
the reality of you ensconced in the
physical reality of  storm -

But see, no amount of storm
be it wind, or rain, or snow
can obliterate my reality of you.

As postscript, my wishes best
you totally ace your test! 

Migraine Defined

(Thought Random)


       

        A touch of total darkness,

        the sound of drumbeats deep,

       the hold of excruciating pain that

       rends my head to diverse sections -

       leaving  me in consummate

       helplessness,  it makes me cling to

       life's one strand  of hope for release

       from this hellish  fire that wants to

       consume my thoughts, my feel of

       the world, my desire to breathe in
       essence -

      But defeat swathes me... and I yield!